Гэрийн эзэн Франко Дел Монако Итали гаралтай Австрали хүн. Харин гэргий Б.Отгончимэг нь Австралид Монгол хэл зааж, хүүхдүүдэд өв соёлоо өвлүүлэхэд үнэтэй хувь нэмрээ оруулж буй багш. Тэд хоёр сайхан хүүхдийн эцэг эх. Манай нэвтрүүлэгт бага хүү Орландо Тэмүжинтэйгээ оролцож, сар шинийн баяр тэдний гэр бүлийн хувьд ямар чухал тэмдэглэлт өдөр болдог тухайгаа хуваалцсан юм.
Тэд 2011 онд Монголд сүй тавих сар шинийн битүүний өдөр Монгол заншлаар хийжээ. Бас том охин Бишрэлт нь сар шинийн хоёрны өдөр мэндэлжээ. Тийм ч учраас цагаан сар бол энэ гэр бүлийн хувьд маш чухал өдөрт тооцогддог юм байна.
Гэр дүүрэн зочид урьж, Монгол хоолоор дайлж, соёлоо танилцуулдаг тэдний уламжлал энэ жил бүр өргөжиж МЕЛА Монгол хэлний сургуулийнхаа хүрээнд баярлахаар болжээ.
