Сикхийн шашин 2011 оноос хойш Австралид хамгийн хурдтай өсөж буй шашин болсон бөгөөд энэ нь цагаачлалтай холбоотой.
Гэхдээ 2021 оны хүн амын тооллогоор Сикхийн шашинтнууд нийт хүн амын ердөө 0.8 хувийг эзэлж байгаа тул цөөнхийн шашин гэж тооцогдсон хэвээр байна.
Ялгаварлан гадуурхалт бий. Хүмүүс заримдаа турбан зүүсэн, бор арьстай, сахалтай хүнийг хараад сөрөг хандлага үзүүлдэг. Ил гаргаагүй, илэрхийлээгүй ялгаварлан гадуурхалт их гардаг.Жасибир Сингх Суропада, Викториа мужийн Сикхийн шашинтны зөвлөлийн тэргүүн
Сикх хүмүүс ил болон далд хэлбэрийн ялгаварлан гадуурхалттай тулгардаг тухай Викториа мужийн Сикхийн шашинтны зөвлөлийнтэргүүн Жасибир Сингх Суропада ярьж байна.
Тэрээр Сикхийн шашны талаарх олон нийтийн ойлголтыг нэмэгдүүлэхийн төлөө бусад коммунитигийн удирдагчидтай хамтран ажиллаж байна.
“Эдгээр хүмүүс асуудал үүсгэдэг гэх буруу ойлголт байдаг. Гэхдээ үнэндээ бид нийгэмд хувь нэмрээ оруулдаг хүмүүс. Та турбан зүүсэн хүнтэй таарвал, ‘энэ хүнээс тусламж хүсэж болно’ гэж өөртөө хэлээрэй,” гэв.
“Бид гурван үндсэн зарчим баримталдаг: Энэ бол бурхныг бясалгах, шударгаар хөдөлмөрлөх, мөн олсон орлогоо хэрэгцээт хүмүүстэй хуваалцах юм.”
Та Монгол хэлээр илүү олон подкаст сонсмоор байна уу?
Манай Facebook хуудсыг дагаж, Apple Podcast, Spotify сувагт нэгдээрэй. Мөн долоо хоног бүрийн Мягмар гарагт 2-3 цагийн хооронд SBS 3-р сувгаар Монгол хэл дээрх хөтөлбөрөө хүлээн авч сонсоорой.
