د ۲۰۲۱ کال د آګسټ د میاشتې له ۱۵ نېټې وروسته، یو زیات شمېر خبریالان او د بشري حقونو فعالان پاکستان ته تللي، ترڅو له هغه ځای څخه وکولای شي لویدیځو هېوادونو ته ولاړ شي.
سره لدې چې د جمهوریت له سقوط وروسته یو زیات شمېر خبریالان او د بشري حقونو فعالان په لویديځو هېوادونو کې مېشت شوي، مګر یو زیات شمېر لا تراوسه پاکستان کې پاتې دي.
پاکستان ته کډه شوي افغان خبریالان او د بشري حقونو فعالان له نړیوالې ټولنې غواړي ترڅو د دوي غږ واوري.
په هغه اعلامیه کې چې د افغان خبریالانو او بشري حقونو فعالانو لخوا خپره شوې، راغلي چې دوي د ډسمبر د میاشتې پر ۲۱ نېټه، د پاکستان په پلازمینې اسلام آباد کې "د اعتراض په توګه" را ټول شوي وه ترڅو نړیواله ټولنه له یاد هېواد څخه د افغان خبرلایانو او بشري حقونو فعالانو "د اېستلو برخه کې لاس پهکار شي".
موږ افغان خبریالان او د بشري حقونو فعالان چې له څه باندې یوه کال راهیسې پاکستان ته کډوال شوي یوو، دلته نه یوازې خپلو لومړنیو حقونو ته .لاسرسی نه لرو، بلکې نړیوالې ټولنې، په ځانګړې توګه امریکا، کاناډا او نورو هېوادونو هم هېر کړي یوو
"دغو هېوادونو له موږ سره پر کړیو ژمنو چې ویل یې، له پاکستان نه به مو خپلو هېوادونو ته لېږدوي، عمل نه دی کړی او همدا لامل دی چې د څه باندې یوه کال په تېرېدو سره سره لا هم بېبرخلیکه یوو."
د افغان خبریالانو او بشري حقونو فعالانو په اعلامیې کې راغلي چې، دوي په پاکستان کې له ستونزو سره مخ دي او هلته سختې شپې او ورځې تېروي.
"افغان کډوال، په تېره خبریالان او د بشري حقونو فعالان په پاکستان کې سختې شپې او ورځې تېروي؛ د حکومت له لوري را باندې په بېلابېلو پلمو فشارونه راوړل کېږي."
په پاکستان کې د ملګرو ملتونو د کډوالو عالي کمېشنري هم زموږ دوسیې نه څېړي او نه راسره نورو هېوادونو ته د تګ برخه کې همکاري کوي.
"موږ له دغې کمېشنرۍ څخه غواړو چې د کډوالۍ نړیوالو قوانینو له مخې، په پاکستان کې د مېشتو افغان خبریالانو او بشري حقونو د فعالانو دوسیې په جلا او ځانګړي ډول وڅېړي او هم راسره په پاکستان کې د خوندي اوسېدو برخه کې مرسته وکړي."
زموږ د فیسبوک پاڼې له لارې د مرکو او راپورونه اورېدولو ته دوام ورکړئ.
د آسټرالیا د تازه خبرونو او په زړه پورو موضوعاتو لپاره همدا اوس زمونږ ویب پاڼې ته ولاړ شئ.
که چېرې غواړئ په انګلیسي ژبه زمونږ خپرې شوې مقالې ولولئ، مهرباني وکړئ دلته کلیک کړئ.
زمونږ خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
