د کرونا وېروس د اومېکرون بڼه په ټوله نړۍ کې په ډېرې چټکۍ سره د خپرېدو په حال کې ده. د روغتیا نړیوال سازمان سیمه ایز مشر، هینز کلوګ وايي تمه کېږي چې په راتلونکو ۶-۸ اوونیو کې به له ۵۰ سلنه څخه زیات اروپایان د کرونا وېروس په اومېکرون بڼه اخته شي.
نوموړی وايي چې د اروپا او مرکزي آسیا له ۵۳ هېوادونو څخه په ۵۰ هېوادونو کې د اومېکرون بڼې پېښې ثبت شوي دي او دغه وېروس په لویدیځه اروپا کې په اصلي وېروس باندې د بدلېدو په حال کې ده.
ښاغلی کلوک زیاتوي چې اوسمهال تائید شوي واکسیونه کولای شي خلک له جدي ناروغۍ او مرګ څخه وساتي، مګر په بې ساري توګه د واکسین خپرېده د دې لامل ګرځېدلي ترڅو په روغتونونو کې د ناروغانو شمېرې پورته ولاړې شي.
شریکول
