د نیو ساوت ویلز ایالت مشرې ګلاډیس بریجیکلین، نن چهارشنبه په یوه خبري کنفرانس کې اعلان وکړ چې حکومت یې په پام کې لري ترڅو د سیډني په هوم بش سیمه کې د کرونا واکسین د تطبیق یو لوی مرکز جوړ کړي.
ټاکل شوې ترڅو د واکسین د تطبیق نوی مرکز په راتلونکو څو اونیو کې پرانستل شي او د یاد مرکز کار کوونکي به وکولای شي، په یوې اوونۍ کې شاوخوا ۳۰ زره کسان واکسین کړي.
د نیو ساوت ویلز ایالت چارواکي غواړي ترڅو په یوې اوونۍ کې د دغه ایالت ۶۰ زره اوسېدونکي د کرونا واکسین ترلاسه کړي. په پام کې ده ترڅو د ټاکل شوي هدف ۵۰ سلنه کسان د هوم بش په مرکز کې واکسین شي او پاتې ۵۰ سلنه نور به وکولای شي په ۱۰۰ نورو مرکزونو کې د کرونا واکسین ترلاسه کړي.
سره لدې چې د آسترالیا حکومت د کرونا واکسین تطبیق په برخه کې پاتې راغلی. د نیو ساوت ویلز ایالت مسئولین وايي چې دغه ایالت د پلان مطابق ښه روان دی.
تر دې دمه په آسټرالیا کې ۹۲۰ زره کسانو د کرونا واکسین ترلاسه کړی او ترټولو زیات کسان په نیو ساوت ویلز ایالت کې واکسین شوي دي.
د آسټرالیا اوسېدونکي باید له یو بل سره، له یو نیم متر څخه زیات فزیکي واټن وساتي.
په خپل ایالت یا سیمې کې د محدودیتونو په اړه معلومات دلته پیدا کړئ[https://www.sbs.com.au/language/pashto/how-australia-s-states-and-territories-are-relaxing-coronavirus-restrictions].
که چېرې تاسو باور لرئ چې تاسو هم ممکن په کرونا وېروس اخته شوي یاست، نو خپل ډاکټر ته زنګ ووهئ (لیدنه ونکړئ) یا د کرونا وېروس د معلوماتو له ملي مرکز سره په ۰۸۰ ۰۲۰ ۱۸۰۰ شمېره اړیکه ونیسئ.
د اس بي اس شبکه ژمنه ده ترڅو تاسو ته د کرونا وېروس په اړه ستاسو په ژبه باوري راپورونه چمتو کړي. دلته تاسو کولای شئ په ۶۳ ژبو خبرونه او معلومات پیدا کړئ: https://www.sbs.com.au/language/coronavirus
شریکول
