د وېکټوریا ایالت، جیلانګ ښار سره نږدې په یوه سیمه ایز ښارګوټي کې د یوه ښوونځي بس چپه شوې چې له امله یې څو کسان سخت ژوبل شوي دي.
د ویکټوریا ایالت د پولیسو په یوې اعلامیې کې راغلي چې دغه پېښه نن سهار په ۸ بجې او ۲۰ دقیقو رامنځ ته شوې او د دوی افسران د سټون هېون په سیمه کې د ښوونځي د بس د چپه کېدو پېښه څېړي.
د پولیسو یوه ویاند اس بي اس نیوز ته ویلي: "ویل کېږي چې څو کسان سخت ژوبل شوي دي."
د جیلانګ اډورټایزر (Geelong Advertiser) ورځپاڼې راپور ورکړی چې یوه زده کوونکې په دې پېښه کې مړه شوې ده.
په دې اړه به نور معلومات وروسته خپاره شي.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
