د سیډني ښار په شمالي ساحلي سیمو کې د کرونا وېروس د ۲۸ نویو پېښو له ثبت وروسته ، د وېکټوریا ایالت مسئولینو پریکړه کړې ترڅو خپلې پولې د یادو سیمو د اوسېدونکو پر مخ وتړي.
د وېکټوریا ایالت د روغتیا وزیر مارټن فولې وايي چې د نیو ساوت وېلز ایالت د نورو سیمو اوسېدونکو ته هم پکار ده ترڅو وېکټوریا ته له سفر مخکې د سفر اجازه ترلاسه کړي.
ښاغلي فولې زیاتوي چې د ټرافیک لایټ سیستم په مرسته به د نیو ساوت وېلز اوسېدونکو ته د سفر جوازونه صادر شي.
په یاد سیستم کې ، د سیډني شمالي ساحلي سیمې د ریډ زون ،
وېکټوریا په تېرو ۴۸ ورځو کې د کرونا وېروس هېڅ داسې پېښه نده ثبت کړې چې وښيي دغه وېروس په ټولنه کې له یو تن څخه بل ته انتقال شوی. مګر په نیو ساوت وېلز ایالت کې د کرونا وېروس د هغو پېښو شمېر په زیاتېدو دی چې ښيي په ټولنه کې وېروس له یو تن څخه بل ته د انتقال په حال کې ده.
د نیو ساوت وېلز ایالت په تېرو ۲۴ ساعتونو کې د کرونا وېروس ۱۶ نوې پېښې ثبت کړي چې له دغې ډلې څخه ۱۵ پېښې د سیډني ښار له شمالي ساحلي سیمو سره تړاو لري.
د آسټرالیا اوسېدونکي باید له یو بل سره ۱.۵ فاصله و ساتي.
د کرونا وېروس آزموینه اوسمهال د اسټرالیا په بېلابېلو سیمو کې ترسره کېږي. که چېرې تاسو باور لرئ چې تاسو هم ممکن په کرونا وېروس اخته شوي یاست، نو خپل ډاکټر ته زنګ ووهئ (لیدنه ونکړئ) یا د کرونا وېروس د معلوماتو له ملي مرکز سره په ۰۸۰ ۰۲۰ ۱۸۰۰ شمېره اړیکه ونیسئ. که تاسو په ساه اخیستلو کې ستونزه لرئ نو له 000 شمېرې سره اړیکه ونیسئ.
تاسو کولای شئ، د خپل موبایل له اپ سټور څخه د کوېډ سېف (COVIDSafe) اپلېکېشن ډاونلوډ کړئ.
د اس بي اس شبکه ژمنه ده ترڅو تاسو ته د کرونا وېروس په اړه ستاسو په ژبه باوري راپورونه چمتو کړي. دلته تاسو کولای شئ په ۶۳ ژبو خبرونه او معلومات پیدا کړئ: https://www.sbs.com.au/language/coronavirus
