د افغانستان ولسمشر محمد اشرف غني وايي، له وسله والو مخالفانو به د بې ګناه افغانانو د وينې غچ واخلي.
ښاغلي غني پرون په کابل کې یوې ناستې ته وویل، افغان حکومت به د دغو بریدونو په ځواب کې د واضحو او جدي اقداماتو په اړه معلومات ډیر ژر له خلکو سره شرېک کړي.
ولسمشر غني وروستیو بریدونو ته په اشاره وویل، چې دا ځل طالبانو حتی د خپلې بدنامۍ د مخنیوي لپاره هم د دې وحشت له مسؤولیت څخه انکار ونه کړ ځکه دوی د خپلو بادارانو له امر څخه سرغړونه نشي کولای.
دا په داسې حال کې ده چې پدې وروستیو کې د کابل په ګډون د هېواد په بیلابیلو ولایتونو کې د خونړیو حملو له امله سلګونو کسانو ته مرګ ژوبله اوښتې ده چې د ډيرو مسوولیت وسله والو طالبانو منلی.
پدې اړه تفصیل د ناجیې ساپۍ په ریپوټ کې اورئ.
