د اسټراليا سيډني ښار کي د می مياشت پر ۵ نيټه د پښتنو اختر ميله جوړيږي.
د اسټراليا سيډني ښار کې لومړي ځل لپاره د پښتنو د اختر ميلې تر نامه لاندې يو ستر جشن نيول کيږي.
اسټراليا ته له پاکستان او افغانستان څخه راغلي پښتانه په ياده ميله کې برخه اخلي او اختر له پښتنو دود او کلتور سره لمانځي.
د ياد ورځې تنظيم کوونکې کامله خان مياخيل له اس بي اس پښتو ته وويل، " ياده ورځ ټولو پښتنو بيا په ځانګړي ډول ماشومانو او کورنيو لپاره مهمه ده ترڅو هغوی خپل کلتور او دودونو څخه خبر او ورسره وصل شي.
په ياد ميله کې د حشمت سحر کنسرټ ترڅنګ، د ماشومانو نقاشي، اټن، مشاعره، نکريځې، د کاليو ننداره او د اختر نورې دوديزې لوبې پښتنو ته وړاندې کيږي.
اغلې مياخيل وايي، کورنيو هڅونې لپاره هغوی ته وړيا ټکټ ورکول کيږي او هغه کسان چې کورنيو پرته ميله کې برخه اخلي هغوی بايد ټکټ له ځانسره ولري.
سيډني ښار کې د پښتنو اختر ميلې اړوند نور اړين معلومات د اغلې کامله مياخيل په بشپړه مرکه کې اوريدلی شئ.
