د افغانستان جګړې دوران کې د نورو هيوادونو ترڅنګ اسټراليا هم پراخ پوځي او هم رغونې ماموريت درلود او په ياد ماموريت کې د اسټراليايي ځواکونو ترڅنګ سلګونو افغانانو هم له يادو ځواکونو سره کار او مرستې کړي.
د اسټراليا پوحي ماموريت تر ختميدو وروسته سلګونه افغان ژباړونکي او کورنۍ يې اسټراليا ته راوستل شوي چې دا مهال د اسټراليا بيلابيلو ښارونو کې ميشت او ژوند کوي.
لومړي ځل لپاره افغانستان کې د اسټراليايي ځواکونو پخوانيو کار کوونکو او د هغوی ژباړونکو يوه دوستانه کرکټ لوبه ترسره کړه چې موخه يې د دواړو خواوو له يو بل سره يوځای کيدل او هم رواني اړخه يو بل ته لاس ورکول ول.
د لوبې يو له تنظيم کوونکو څخه د اسټراليايي پوځيانو پخوانی ژباړونکی سمندر خان صديقي وه. نوموړی دا مهال د اسټراليا اډيليډ ښار کې د Afghan Association South Australia يوې ټولنې مشري هم پر غاړه لري.
اس بي اس پښتو خپرونې سره مرکې دوران کې ښاغلي صديقي وويل، کرکټ له لارې د پخوانيو اسټراليايي سرتيرو له خپل ژباړونکو سره يوځای کيدل دواړو لپاره يوه ډيره ښه تجربه وه او لدې لارې دواړو لورو رواني روغتيا لپاره ګټور تماميږي.
د اسټراليا پخوانيو سرتيرو او د هغوی ژباړونکو ترمينځ د کرکټ دوستانه لوبه د ډسمبر مياشت پر ۵ نيټه اډيليډ ښار کې ترسره شوه او دا لوبه افغان ژباړونکو وګټله.
د يادې لوبې تنظيم کوونکي او د Afghan Association South Australia مشر ښاغلي سمندر خان صديقي سره بشپړه مرکه واورئ.
