.د افغانستان د حج او اوقافو وزارت د جومات ملا امامانو ته خبرداری ورکوي،که چیري کوم ځانګړي نوماند په ګټه کار وکړي له قانوني چلند سره به مخ شي
د دغه وزارت ویاند اسحاق عرب وايي،جماتونه د کمپاین ځای نه، بلکې د عبادت ځایونه دي او هېڅ ملا امام اجازه نه لري چې د منبر او جږمات له ادرسه د کوم ځانګړي کاندید په ګټه کمپاین وکړي.
په ورته وخت کې د افغانستان د انتخاباتو خپلواک کمیسیون وايي، د ملا امامانو په ګډون د دولتي کار کوونکو له لوري د ځانګړي کاندیدانو په ګټه کمپاین د قانون خلاف عمل دی.
د روانې تلې میاشتې پر شپږمه له غزني پرته نور په ټول افغانستان کې ولسي جرګې ته د کاندیدانو ترمنځ کمپانونه پیل شول.
د افغانستان د انتخاباتو د خپلواک کمېسیون د معلوماتو لمخې د ولسي جرګې ۲۴۹ څوکیو لپاره ۲۵۶۵ کانديدان چې ۴۱۷ یې ښځې دې په خپلو کې سیالي کوي.
پدې اړه تفصیل د ناجیې ساپۍ په ریپوټ کې اورئ.
شریکول
