له تیرې یوې اوونۍ راهیسې په کابل ښار او یو شمېر ولایتونو کې د برښنا دومداره نشتون خلک له جدي ستونزو سره مخ کړي دي.
د ژمي په را نږدې کېدو سره د کابل ښار اوسېدونکي وايي چې د برښنا پرچاوۍ د دوی ورځنی ژوند، اقتصاد، تعلیم او ټولنیزه هوساینه له ستونزه سره مخ کړې ده.
دا شکایتونه په داسې حال کې کېږي چې د راپورونو له مخې له ازبکستان څخه د ۲۲۰ کیلو واټه وارداتي برښنا مزي د زیانمنېدو له امله افغانستان ته د برښنا واردات نیمايي ته راکښته شوې وه.
خو د برښنا شرکت تازه اعلان کړی چې کابل ته د ازبکستان د وارداتي برښنا پرې شوي مزي بیرته نښلول شوي او په دې سره به د کابل په ګډون د ۱۱ ولایتونو د برښنا د پرچاوۍ ستونزه حل شي.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
