د افغانستان په ګڼو سیمو کې د هوا له سړېدو سره سم د سون توکو په ځانګړې توګه د لرګیو او سکرو بیې د پخوا په پرتله خورا لوړې شوې دي.
عام وګړي وايي، سږکال دا بیې نږدې دوه برابره زیاتې شوې دي او خلک يې له جدي اقتصادي ستونزو سره مخ کړي دي.
د کابل ښار یو شمېر اوسیدونکو اس بي اس پښتو ته ویلي، چې د ژمي د سړې هوا له پیل سره د ورځنیو لګښتونو زیاتېدو د سون توکو د پېرلو توان ترې اخیستی دی.
دوی ټینګار کوي چې له بې وزلۍ او بې روزګارۍ سره د سون توکو لوړې بیې د زغملو نه دي او له چارواکو غواړي چې د بازارونو پر وضعیت جدي څارنه وکړي.
اقتصادي شنونکي بیا د طالبانو له حکومته غواړي چې خلکو ته د سون توک بدیلې سرچینې برابرې کړي، څو هرکال د ژمي پر مهال د سوند توکو بیې لوړې نشي.
مهرباني وکړئ لا ډېر معلومات په رپوټ کې واورئ.
