د افغانستان، پاکستان او متحده عرب اماراتو ترمنځ د شل اوريزه لوبو درې اړخيزه لوبلړۍ کې ټولې ۷ لوبې کېږي چې هر هېواد له يوه بل سره دوه دوه سیالۍ کوي او وروستۍ سیالۍ به د پایلوبې وي.
د لوبو د مهالوېش له مخې د يادې درې اړخیزې لوبلړۍ لومړنۍ سيالي د افغانستان او پاکستان تر منځ ده.
د افغانستان کرېکټ بورډ وايي، افغان لوبډله ددې سیالیو لپاره بشپړه چمتوالی لري او د مهال په تمريناتو بوخته ده.
د کرېکټ بورډ وياند سيد نسيم سادات اس بي اس پښتو سره په خبرو کې وويل، چې دا لوبلړۍ به د اسيا جام لپاره مهم چمتوالی وي.
نوموړى هېله وښوده، چې افغان لوبډله به په دې سياليو کې ښې لوبې ترسره کړي او په لوړ مورال به د اسيا جام سالیو کې ګډون وکړي.
مهرباني وکړئ لا ډېر معلومات په رپوټ کې واورئ.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
