د افغانستان د لوړو زده کړو وزارت د لومړي ځل لپاره د استاد رباني د ښوونې او روزنې په پوهنتون کې د معلوماتي ټکنالوژۍ یو مرکز پرانېسته.
د لوړو زده کړو د وزارت د معلوماتو له مخې د دې مرکز مالي لګښت د یاد وزارت د پراختیايي بودجې څخه ورکړل شوی او محصلین کولای شي چې له دې لارې له هېواده بهر په پوهنتونو نو کې په انلاین ډول زده کړې وکړي.
په همدې حال کې یوشمیر محصلین هم د دغه مرکز له پرانېستې هرکلی کوي خو وايي دا ډول مرکزونه باید په نورو پوهنتونونو کې هم جوړ شي.
پدې اړه تفصیل د ناجیې ساپۍ په ریپوټ کې اورئ
