د امريکا ولسمشر جو بايډن په اجرائیوي فرمان کې راغلي چې د افغانستان د مرکزي بانک، د افغانستان بانک شاوخوا ۳.۵ میلیارده ډالر به د افغانستان د ولس د ګټې لپاره ولیږدول شي او پاتې ۳.۵ ملیارده به يې د امریکا کې پاتې وي تر څو پورې چې د ۲۰۰۱ کال د سپتمبر د ۱۱ مې د قربانیانو د دعوې پرېکړه نه وې شوي.
د امریکا د ولسمشر جو بایډن د اجرائیوي فرمان په هکله د سپینې ماڼې په اعلامیې کې راغلي چې د فرمان هدف دا ده چې دغه پیسې پداسې یوې طریقې د افغانستان ولس ته ورسیږي چې د طالبانو او نورو ناوړه عناصرو لاسته ورنشي.
خو د امریکا د ولسمشر جوبایډن دې پرېکړه په کور دننه او بهر کې د افغانانو په ګډون د نورو بشر حقونو مدافعينو کلک غبرګونونه راپارولي.
یو شمیر افغانان د امریکا دا پرېکړه د هغو میلیونونو افغانانو په حق کې جفا بولي چې همدا اوس لوږې او بي وزلۍ سخت ځپلي دي.
ددغه شمیر افغانانو په وینا، د سپټمبر ۱۱مې پیښه کې هیڅ افغان ښکیل نه وه او دا پېښه افغانانو پورې هیڅ تړاو نلري.
دوی زیاتوي چې د یادې پیښې وروسته نړۍ کې تر ټولو ډیر متضرر شوی او قربانی شوی هېواد افغانستان دی او دا شتمني د یوولسم سپتمبر د پیښې د عاملینو شتمني نده او نه باید دغو متضررینو ته ورکړل شي.
د افغانانو نظرونه دلته واورئ.
