د چهارشنې په ورځ د افغانستان د پلازمینې کابل په ګډون ټولو سړیو سیمو کې نوی تعلیمي کال پرانستل شو، خو تر شپږم ټولګي پورته د انجونو ښوونځي تر څو ساعتونو وروسته بیرته د نجونو پر مخ بند شول.
د طالبانو حکومت له دې اقدام اخیستو وروسته وویل، چې دا پرېکړه يې ځکه کړې ترهغه چې له شریعت او افغاني دود او دستور سره سم طرح چمتو شوې نه وې.
د طالبانو د پوهنې وزارت چارواکي زیاته کړې چې له تېرو پنځوـ شپږ میاشتو راهېسې يې پر دې طرح کار کړي او د طالبانو حکومت مشرتابه ته يې سپارلې، تر څو منظور يې کړي.
ویل کیږي د دې طرحې مهم ټګي د انجونو لپاره د ښوونځیو د درسي وختونو جلا کول او د انجونو لپاره د ښځینه ښوونکو ګمارل دي.
د طالبانو حکومت د پوهنې وزارت دا پرېکړه په کوردننه او بهر له سختو انتقادونو سره مخامخ او غندل شوې.
د امریکا په ګډون اروپايي ټولنې، ملګرو ملتونو ، بریټانیا، کاناډا، فرانسې، ایټالیا او ناروې حکومتونو دغه پرېکړه غندلې او له وسله والو طالبانو يې غوښتې چې خپله پرېکړه بېرته واخلي.
اخوا د طالبان دې پریکړې عام افغانان خواشینې کړي او فکر کوي چې طالبان هیڅ بدل شوي نه دي او د خپلې لومړنۍ دورې تګلارو ته ادامه ورکوي.
کابل څخه د رحيم الدين اورياخيل رپوټ واورئ.
