د آسترالیا طبی ټولنې حکومت ته وړانديز کړی چې اسټراليا کې دې پر هغو موټر چلوونکو سختې جرمانې ولګوي کوم چې پي او ايل پليټ يا موقت او غير مسلکي موټر چلولو لايسنس لري او د موټر چلولو په وخت کې خپل ګرځنده تلیفونونه کاروي.
دا د طبي ټولنې څو سپارښتنو څخه يوه سپارښتنه ده چې دې ټولنې د اسټراليا پر سرکونو د ترافيکي مرګ ژوبلو کموالي لپاره وړاندیز کړی
د اسټراليا سرکونو او هم موټر چلوونکو ملي ادارې د طبي ټولنې لدې وړانديز څخه هر کلی کړی او هم يې ترې خپل ملاتړ ښودلی.
که چيرې د اسټراليا فدرالي حکومت د طبي ټولنې دا وړانديز ومني نو اسټراليا کې به ټول هغه کسان کوم چې بشپړ يا فل لايسنس نه لري او موټر چلولو وخت کې موبايل يا نور الکترونيکي وسايل کاروي هغوی به دولس مياشتو لپاره د موټر چلولو لايسنس له لاسه ورکوي.
يادې موضوع لپاره بشپر رپوټ دلته واورئ.
شریکول
