د اسټراليا داخلي کريکټ ليګ چې پر BBL يا بيګ باش ليګ مشهوره دی د نړۍ دويم ستر ليګ دی چې هر کال ډيسمبر څخه تر فبروری مياشت په اسټراليا کې پر مخ اچول کيږي.
د هند داخلي کريکټ ليک (IPL ) وروسته BBL دويم ستر سوداګريز ليګ دی.
د اسټراليا کريکټ ليګ کې د هر کال په تيريدلو سره لا ډير افغان لوبغاړو سره قراردادونه لاسليک کيږي او هغوی ته پدې ليګ کې لوبيدو چانس ورکول کيږي.
په وروستيو دوه نوو قراردادونو کې د افغانستان تيز توپ اچوونکی فضل الحق فاروقي او ورو توپ اچونکی اظهارالحق نويد ځايي لوبډلو سره يوځای شول.
د اسټراليا سيډني ښار کې ميشت کريکټ لوبغاړی حميد خيرخواه چې له سيډني تندر لوبډلې سره همکار پاتې شوی.
ښاغلي خيرخواه له اس بي اس پښتو سره په مرکه کې د اسټراليا داخلي کريکټ ليګ (BBL) او هم د افغان لوبغارو په همدې ليګ کې لوبيدو په تړاو خبرې کړي.
د ښاغلي په وينا افغان لوبغاړي د ځينو نورو بهرنيو لوبغاړو پر پرتله په ډير شمير کې د اسټراليا ليګ کې لوبيږي.
د اسټراليا دوه ځايي لوبډلو هر يو سيډني تندر او سيډني سيکسرز لومړي ځل لپاره افغان لوبغاړي لاسليک کړل.
سږ کال سيالو کې فضل الحق فاروقي سيډني تندر او اظهارالحق نويد سيډني سيکسرز سره لوبيږي.
د يادو لوبغارو ترڅنګ راشد خان اډيليډ سټرايکرز او مجيب الرحمن ملبورن رينيګيډ سره.
د سږ کال بيګ باش لوبې د ډيسمبر مياشت ۱۳ څخه پيل تر فبرورۍ مياشت ۴ نيټې پورې دوام کوي.
