د اسټراليا ښه پيژندلو په موخه مو د لنډو معلوماتو رپوټونو لړۍ پيل کړې ترڅو په اسټراليا کې ستاسو ميشتيدنې او دې هيواد په اړه په زړه پورو معلوماتو ترلاسه کولو کې له تاسو سره مرسته وکړو.
د اسټراليا د نړۍ شپږم لوی هيواد ترڅنګ د نړۍ تر ټولو لرغونی، هوار، او وچ هيواد دی.
اسټراليا شاوخوا ۲۶ ميليونه نفوس لري او د نړۍ يو له لويو څو کلتوريزو هيوادونو څخه دی چيرې چې يو ډير شمير اوسيدونکي يې يا له اسټراليا څخه بهر زيږيدلي او يا يې مور او پلار بهر زيږيدلي.
د اسټراليا اصلي اوسيدونکي بيا نړۍ تر ټولو لرغونی تاريخ لري چې شاوخوا ۶۵،۰۰۰ کلونو ته رسيږي. اوروپايانو په کال ۱۷۷۰ کې د اسټراليا خآورې ته داخل او تر نن پورې ددې وچې ابادوونکي ګڼل کيږي.
د اسټراليا هيواد شپږ ايالتونه او دوه سيمې لري چې هر يو يې فدرالي سيسټم لاندې اداره کيږي.
تاسو ته مو نن د اسټراليا سيمو او ايالتونو په اړه په زړه پورې معلوماتو راټول کړي چې ټول د لينک کليکاږلو سره اوريدلی شئ.
شریکول
