د کابل ښار د بېلابېلو سیمو ځینې اوسیدونکي ادعا کوي، چې په دې ښار کې د پخوا په پرتله شوکې او غلاوې زیاتي شوي دي.
دوی وايي، په کابل ښار کې د وسله والو غلاوو پېښو اندېښمن کړي او وسله وال غله د وسلې په زور له خلکو موټرې، موبایلونه او پیسې اخلي.
له ورته پېښو سره مخ یو کس چې د امنیتي ستونزو له امله نه غواړي په راپور کې يې نوم خپور شي له اس بي اس راډیو سره په خبرو کې ادعا وکړه ، چې دوه میاشتې وړاندې کله چې له کوره څخه دفتر په لور راون و په لاره کې وسله والو کسانو د وسلې په زور موټر ورڅخه یوړو.
نوموړي وویل، که څه هم امنیتي ځواکونو ته يې پر وخت اطلاع ورکړه خو د تېرو دوه مېاشتو په تېرېدو لا يې د موټر کوم څرګ نه دي معلوم شوی.
هغه زیاته کړ، فکر يې کاوه چې د طالبانو راتګ سره به د غلاوو کچه راټېټه شي خو په خبره يې داسې ونه شول.
د کابل ښار ځینې نور اوسیدونکي هم ورته اندېښنه لري.
دوی له اس بي اس راډیو سره خبرو کې وویل، چې په دې وروستیو کې د کابل ښار په بېلابېلو سېمو کې د غیر مسوول وسله والو ګرځېدل او وسله والې غلاوي ډیرې شوي او غله د وسلې په زور له خلکو موټرې، موبایلونه او پیسې اخلي.
له دې ټولو سره سره د کابل امنیه قومنداني بیا وايي، چې په دغه ښار کې د پخوا په پرتله وسله والې غلاوې په بېسارې ټوګه کمې شوي دي.
د کابل ښار امنیه قومندانۍ ویاند خالد ځدران اس بي اس راډیو ته وویل، امنیتي ځواکونو په تېره یو میاشت کې لسګونه هغه غیر مسوول وسله وال نیولي او د قانون منګلو ته يې سپارلي چې پخوا يې کابل ښار کې فعالیت ترڅنګ د ښارې نظم ګډوډولو او وسله والو غلاوو کې یې لاس درلود.
کابل څخه تاسو ته بشپړ رپوټ لرو چي لينک کليکاږلو سره يې اوريدلی شئ.
