پاکستان کې له يو لړ بريدونو او چاودنو وروسته په کال ۲۰۱۴ کې د پاکستان پوځ په قبايلو کې د تحريک طالبان پاکستان، لشکر جنګوي، القاعده او جندلا اورپکو ډلو پر وړاندې پراخ پوځي عمليات پيل کړل چې لا اوس هم روان دي.
د ضرب عضب عملياتو په نتيجه کې شاوخوا ۱۰۰،۰۰۰ پښتانه بې ځايه او يو شمير يې افغانستان ته کډه شوي.
له کلونو راهيسې افغانستان ته کډه شوي د قبايلو پښتنو اجازه نه درلوده ترڅو پاکستان ته داخل شي ولې اوس دا اجازه پداسې حال کې ورکړل شوې چې د قبايلو اوسيدونکي له يو لړ چک او پروسيس وروسته پاکستان خاورې ته پريښودل کيږي او ډيره برخه يې لا اوس هم اجازه نه لري ترڅو خپلو کورونو ته ستانه شي.
له افغانستان څخه پاکستان ته ستانه شوو پښتنو سره مو خبرې کړي او ټوله کې د بې ځايه شوو قبايلو پښتنو ستونزې مو په رپوټ کې ځای کړي چې دا ټول پدې تيار شوي رپوټ کې اوريدلی شئ.
د اسلام ګل افريدي بشپړ رپوټ واورئ
