راشد خان چې دا مهال د اسټراليا بيګ باش کې اډيليډ سټرايکرز ته لوبيږي پرون شپه يې لومړۍ لوبه وکړه او د خپل لوبډلې لخوا ورته د لوبې غوره لوبغاړي ډالۍ هم ورکړل شوه.
راشد خان تيرې شپې لوبې کې دا ثابته کړه چې د نړۍ هر ډګر کې د هغه توپ اوچونه ځانګړتيا لري او تل ريکارډ جوړوونکی دی.
راشد خان چې په کوم لوبغالي کې لوبه وکړه په هماغه لوبغالې کې مو يوه ورځ مخکې ورسره ځانګړې مرکه وکړه.
راشد خان وايي چې ژوند يې ډير بوخت دی او حتی تيرو ۸ مياشتو کې يې يوازې څلور ورځې له کورنۍ سره تيرې کړي ولې ښاغلی وايي چې دی همدا قرباني ورکوي ترڅو خپله لاسته راوړنه بيرته افغانستان کې نوي نسل ته وليږدوي.
راشد خان لوبډله په جنوری مياشت کې د محمد نبي لوبډلې خلاف لوبه ترسره کوي چې دواړه افغان لوبغاړي به له يو بل سره مخ کيږي، ولې داچې ايا دواړه لوبغاړي به په لوبغالي کې د يو بل مراعت وکړي او که نه راشد خان په مرکه کې يې ځواب ورکړی.
له راشد خان سره دا تازه او له معلوماتو ډکه مرکه دلته اوريدلی شئ.
