د ملګرو ملتونو د ماشومانو د ملاتړ صندوق یا یونسیف په خپل یو راپور کې په افغانستان کې د ماشومانو د خوارځواکۍ د زیاتوالي په اړه د اندېښنې په ښودلو سره وویل چې ممکن دغه ناروغۍ راتلوونکی کال په دې هېواد کې د څه باندې یو میلیون ماشومانو ژوند واخلي.
یونیسف په خپل دې راپور کې ماشومانو ته لاس رسی یو جدي اړتیا بللې او په دې برخه کې د مرستې غوښتنه کړې ده.
ملګرو ملتونو همدارنګه ویلي و چې د روان کال تر وروستیو به تر پنځه کلنۍ کم عمره ۳.۲ ممکن په سختې خوارځواکۍ اخته شي.
اخوا د افغانستان د عامې روغتیا وزارت ویاند ډاکټر جاوید هژیر له اس بی اس راډیو سره په خبرو کې وویل، په افغانستان کې په ټولیزه توګه له پنځو کلونو کم عمره ۳.۲ میلیونه ماشومان په خوارځواکۍ اخته دي چې له دې ډلې 2.2 میلیونه يې په متوسطه او یو میلیون هغه يې له شدیدې خوارځواکۍ سره لاس او ګریوان دي.
هغه زیاته کړه چې په افغانستان کې په مجموعي توګه د هغو ۷۵ زره ماشومانو له ډلې چې په کلنی ډول په دې هېواد کې د بیلابیلو دلایلو له امله مړه کیږي یواځې ۴۵ سلنه يې خوارځواکه ماشومان جوړوي.
بشپړ رپوټ واورئ.
