پاکستان کې دا مهال د پښتنو ځوانانو پاڅون لا اوس هم روان دی او بيلابيلو ښارونو کې پښتانه ځوانان خپل حق غوښتنې لپاره مظاهرې کوي.
د مظاهره کوونکو يوه غوښتنه داده چې پاکستان کې دې د زرګونو پښتنو ځوانانو ورکيدو پلټنه وشي او حکومت دې د هغو کورنيو ته ځواب ورکړي.
پاکستان کې پښتانه دا ادعا کوي چې د زرګونو په شمير ځوانان او مخور کسان يې لا درکه دي او ددې تر شا د ځينو حکومتي کړيو لاس ګوري.
زمونږ همکار اسلام ګل افريدی د پاکستان باړه کې هغه ځي ته ورغلی چيرې چې کورنۍ خپلو ورکو شوو غړو نومونه راجسټر کوي.
د يادو کورنيو د زړه حال دلته واورئ.






