د اسټراليا څو کلتوريز فيشن نندارتون کې د افغانستان کلتور، کالي او نور پدې مقصد وړاندې شول ترڅو د ناخوالو بل اړخ نړيوالو ته وښودل شي.
د اسټراليا سيدني ښار کې د ډسمبر مياشت پر ۲ نيټه د څو کلتوريز فيشن تر ټولو ستر جشن جوړ شو په کوم کې چې د نړۍ ګڼو هيوادونو څخه ډيزاينرانو خپل کلتور سره نږدې کالي او نور شيان نندارې ته وړاندې کړل.
ياد کلنی جشن د FOMA يا فبريک اف ملټي کلچر په نوم ياديږي او هر کال زرګونه ننداره چيان جذبوي ترڅو د اسټراليايي ټولنې يو جلا انځور هغوی ته وړاندې کړي.
د سږ کال په جشن کې يوې افغان ډيزاينرې مريم اوريا افغاني کالي او زيورات نه يوازې داچې نندارې ته وړاندې کړل بلکې نوموړی وتوانيدله د يو شمير ښځينه ماډلانو له لارې يې سلګونو ميلمنو ته وړاندې کړي.
تاسو ته مو له يادې غونډې بشپړ رپوټ چمتو کړئ چيرې چې د ګڼو افغان ميرمنو غږونه او هم د FOMA د مشرې خبرې په تيار شوي رپوټ کې اوريدلی شئ.
لا ډير نور په رپوټ کې واورئ.
شریکول
