د پښتو نامتو سندرغاړی حشمت سحر د اسټراليا بيلابيلو ښارونو کې کنسرټونه ورکوي.
اسټراليا د زرګونو پښتنو کور دی او خت نا وخته پښتانه سندرغاړي له بيلابيلو هيوادونو څخه دغه هيواد ته سفر کوي ترڅو ميشتو پښتنو ته موسيقی کنسرټونه وړاندې کړي.
د کوچني اختر رارسيدو سره د پښتونخوا نامتو سندرغاړي حشمت سحر اسټراليا ته مخه کړه او په دوو لويو ښارونو کې يې سلګونو پښتنو ته يو لړ کنسرټونه وړاندې کړل.
د ښاغلي حمشت سحر د کنسرټونو پيل له ملبورن ښار څخه وشو چيرې چې د اختر او نوروز تر نامه لاندې جوړ شوي پروګرام کې ښاغلي کنسرټ وړاندې کړ.
له هغه وروسته د می مياشت په ۵ نيټه بيا د اسټراليا بل لوی ښار سيډني د ښاغلي سحر کوربه وو او د پښتنو اختر ميلې تر نامه لاندې په يو ستر پروګرام کې ښاغلي سحر کنسرټ وړاندې کړ.
اس بي اس سره خبرو پر مهال ښاغلي سحر وويل، دا ورته د حيرانتيا خبر ده چې سره د دومره بوختيا، اسټراليا کې پښتانه د هغه کنسرټونو کې په پراخ شمير ګډون وکړ او دا ښايي چې پښتانه له خپل کلتور او هنر سره ډيره مينه لري.
د ښاغلي حشمت سحر راتلونکی کنسرټ چې د غزل شبې تر نامه لاندې جوړيږي په ملبورن ښار کې پر مخ اچول کيږي.
دا کنسرټ د می مياشت په ۱۴ نيټه ملبورن کې جوړيږي.
د ښاغلي سحر په وينا د کلتوري پروګرامونو او غونډو جوړيدو سره نسلونه له خپل کلتور او ريښو سره نښلول کيږي.
لا ډير نور په بشپړه مرکه کې واورئ.
