د سیاسي چارو یوشمیر افغان شننونکي وړاندوینه کوي چې د عمران خان حکومت به د افغانستان سره پر اړېکو له سره غور وکړي.
د دغو کارپوهانو په وینا ،په ټوله کې په پاکستان کې د افغانستان پر وړاندې نظر بدل شوی دی.
په همدې حال کې د پاکستان د تحریک انصاف ګوند مشر او د پارلماني ټاکنو د اکثریت ګټونکي عمران خان ویلي چې د حکومت له جوړولو وروسته کابل ته سفر کوي.
افغان ولسمشر محمد اشرف غني د پاکستان د تحریک انصاف ګوند مشر عمران خان سره په ټیلیفون خبرې کړي او د همکاریو د ښه والي ټينګار یې کړی دی
