د روان کال اګست مياشت وروسته کله چې طالبان واک ته ورسيدل زرګونه افغانان اړ شول ترڅو خپل هيواد پريږي او نورو ځايونو کې پناه واخلي.
اسټراليا هم د زرګونو افغانانو په ويستلو کې بريالی شو ولې بيا يو ډير شمير د اسټراليا له ويزو سره په افغانستان کې پاتې شول او د سفر کولو چانس يې ترلاسه نه کړ.
د اسټراليا حکومت هر کال له بهر څخه خپل کډوالۍ پروګرام لاندې شاوخوا ۱۳۰۰۰ کډوال قبلوي او روان کال يې له همدې پروګرام څخه ۳۰۰۰ ويزې افغان کډوالو ته ځانګړې کړې.
دوه اونۍ وړاندې د اسټراليا حکومت لخوا خپاره شوو شميرو له مخه ويل شوي ول چې د اسټراليا بشري ويزو لپاره له ۱۵۰ زرو څخه ډير کسانو غوښتنليک سپارلی.
بيا هم دوو اونيو وړاندې خپرو شوو شميرو له مخه اګست مياشت راهيسې ۵۶۳۶ افغانانو ته د کډوالۍ ويزې ورکول شوي او يوازې ۳۵۶۸ توانيدلي اسټراليا ته راشي او باقي نور اسټراليا ته ندي راغلي.
د اسټراليا حکومت وروستي اعلان له مخه ټولو هغو کسانو چې د بشري بيړنۍ ويزې ورکړل شوي او اسټراليا ته په راتګ ندي توانيدلي نو د هغوی ويزو مودې ختميدل نه تمديد کيږي بلکې يوازې د هغو کسانو کيږي چا چې له اسټراليا حکومت سره په افغانستان کې کار کړی وي.
اسټراليا کې ميشت حقوقي چارو کار پوه او وکيل نظير داور د مهاجرت برخې وروسته معلومات له يوې مرکې له لارې شريک کړي چې تاسې بشپړه مرکه دلته اوريدلی شئ.
