د ABC شبکې رپوټ له مخه په افشا شوو اسنادو کې يادې شبکې داسې اسناد موندلې په کوم کې چې ليکل شوي چې د اسټراليا مهاجرت پخواني وزير سکاټ موريسن خپل وزارت دوران کې له اسټراليا استخباراتو ادارې څخه غوښتي چې د پناه غوښتونکو امنيتي چک يا پروسه دې ورو کړي ترڅو د پناه غوښتونکو کيسونه شاته پاتې شي او نوي قانون لاندي برابر شي او د اسټراليا دايمي وزيزه ترلاسه نه کړي.
اسټراليا کې د زرګونو په شمير پناه غوښتونکي هغه مهال د اسټراليا دايمي ويزو نه ترلاسه کولو سره مخ شول کله چې ددوی کيسونو طی مراحل نه وو شوی او حکومت نوی قانون رامينځته کړ چې له مخه يې پناه غوښتونکي چې بيړيو له لارې اسټراليا ته راغلي هغوی ونشي کولی چې د اسټراليا دايمي ويزې واخلي.
دا پناه غوښتونکو او کډوالو حق کې يوه ستره پريکړه ده ولې اوس سوال دا پيدا کيږي چې ايا د اسټراليا استخباراتو ادارې د مهاجرت وزير دا غوښتنه منلې او که نه. که چيرې دا غوښتنه يې منلې وي نو بيا ډيري پناه غوښتونکي کولی شي چې حقوقي مرستې ترلاسه کړي.
د يادې مهمې مسلې لا ډير سپيناوي لپاره مو اسټراليا سيدني ښار کې ميشت وکيل او هم د حقوقي چارو کارپوه ښاغلي ډاکټر نظير داور سره مرکه کړې چې بشپړه مرکه دلته اوريدلی شئ.
