د افغانستان پخواني حکومت ړنګيدو او طالبانو واکمنۍ وروسته زرګونه افغانان اسټراليا ته راوستل شوي چې پکې ګڼ شمير ماشومان هم شامل دي.
اسټراليا ته رسيدو سره ټولې کورنۍ اړ وې ترڅو هوټلونو کې ۱۴ ورځو لپاره قرنطين شي او بيا له قرنطين کيدو وروسته د کرونا ويروس له امله لګول شوي محدوديتونو د نوو راغلو افغانانو ستونزې نورې هم ډيرې کړې.
زرمينه ظفر له نوو راغلو افغان ماشومانو او کورنيو سره خبرې کړي او د هغوی نوي ژوند مخې ته فرصتونه او ننګونې دواړه راخيستي چې پدې تيار شوي رپوټ کې يې اوريدلی شئ.
