د اسټراليا حکومت اسټراليا ته بهر او يا بيرته اسټراليا ته سفر کولو په ځينو قوانينو کې بدلون راوستی.
دا مهال نږدې ۴۰ زره اسټراليايان په تمه دي ترڅو خپل په وار وشي کولی اسټراليا ته بيرته راشي.
تيره اونۍ د اماراتو هوايي شرکت اسټراليا ته خپلو الوتنو بندولو له خبر سره افغانستان کې ايسار افغانان چې د اسټراليا تابعيت هم لري له لا ګڼو ستونزو سره مخ شول.
افغانستان څخه راتلونکو مسافرو لپاره يوازينی لار د اماراتو الوتنو کارونه وه ولې روانه اونۍ اماراتو شرکت خپل له دريځ څخه پر شا شول او د پروازونو بيرته پيلولو پريکړه يې وکړه.
ملبورن ښار کې ميشت د سفر او سياحت خدماتو وړاندې کوونکی اسماعيل شاه نيازي له اس بي اس پښتو سره مرکه کې وويل، دا مهال له اسټراليا څخه بهر سفر کولو اجازه اخيستل سخته شوي.
ښاغلي وويل، دا مهال هغه کسان چې د اسټراليا ۵ کلنې او يا نورې ويزې لري که هغوی له اسټراليا څخه بهر سفر کوي نو بيرته راتګ يې ستونزمن وي او ډيره کې دوی بهر بند پاتي کيږي.
دا نور ډير مهم معلومات له ښاغلي نيازي سره ترسره شوې مرکه واورئ.
