دوي وايي، تکرارې او له بایمټریک پرته کارول شوي رایې باید باطلې اعلان شي.
خو د افغانستان د انتخاباتو خپلواک کمیسیون مشر ګلاجان عبدالبدیع صیاد هم ډاډ ورکړی چې په هغو مرکزونو کې چې زورواکو د بایو مټریک د نه کارولو هڅې کړي صندوقونه به یې په دقیقه توګه وڅېړل شي او بیا به باطل اعلان شي.
د افغانستان د انتخاباتو خپلواک کمېسیون وايي، له ټولو ګواښونو او ستونزو سره سره بیا هم شااوخوا څلور میلیونه کسانو د ولسي جرګې په انتخاباتو کې رأیې وکارولې.
د ولسي جرګې په سږنیو انتخاباتو کې دوه نیم زره کسانو ځانونه کاندید کړي وو چې خلکو له غزني او کندهار پرته په ۳۲ ولایتونو کې رأیه وکاروله.
تفصیل د ناجیې ساپۍ په ریپوټ کې اورئ.
