په افغانستان کې د طالبانو د واکمنۍ له څلور کلن کېدو سره لاهم له شپږم ټولګي څخه پورته د انجونو د ښوونځیو دروازې تړلې پاتې دي.
سره له دې چې له دې پریکړې څه باندې ۱۴۰۰ ورځې تیریږي، لاهم ګنې زده کوونکې وايي چې زده کړو ته د دوی لیوالتیا لاهم ژوندۍ ده.
د زده کړو فعاله مزلفه کاکړ وایي، له زده کړو د افغان انجونو محرومیت نه یوازې د دوی هیلې مړاوې کړي، بلکې ټولنه یې هم تر اغیز لاندې راوستې ده.
هغې له افغان انجونو وغوښتل چې د نورو ممکنه فرصتونو څخه ګټه واخلي او خپلو نیمګړو زده کړو ته دوام ورکړي.
د طالبانو ویاند ذبیح الله مجاهد له اس بي اس پښتو سره په یوې تازه مرکې کې وویل چې د انجونو د زده کړو د بندیز پرېکړه موقتي ده او دوی هڅه کوي د اسلامي شرعي اصولو په پام کې نیولو سره یوه حل لاره ومومي.
مهرباني وکړئ لا ډېر معلومات په ترسره شوې مرکې کې واورئ.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
