د افغانستان کرېکټ بورډ وايي، افغانستان اوس پیاوړې لوبډله لري او دا وړتیا لري چې د نړۍ هرې لوبډلې ته ماته ورکړي.
ټاکل شوې چې سبا د افغانستان او بنګلدیش لوبډلو ترمنځ لوبه ترسره شي.
د افغانستان کرېکټ بورډ وايي، افغانستان اوس پیاوړې لوبډله لري او دا وړتیا لري چې د نړۍ هرې لوبډلې ته ماتې ورکړي.
د کرېکټ بورډ ویاند سید نسیم سادات اس بي اس پښتو ته ویلي چې افغان لوبډله د بنګله دېش پر وړاندې لوبې لپاره ځانګړی پلان لري.
تېره ورځ د کرېکټ شل اوریز نړیوال جام د اتو غوره لوبډلو په پړاو کې افغانستان د اسټرالیا ملي لوبډله له تاریخې ماتې سره مخ کړه.
افغان لوبډلې آسټرالیا ته د ۲۱ منډو په توپیر ماتې ورکړه.
د آسټرالیا پر وړاندې د افغانستان کرېکټ ملي لوبډلې دې تاریخې بریا ته په کور دننه او بهر ګڼ شمېر افغانانو خوښي څرګنده کړه او دغه بریا يې له هر اړخه مهمه او تاریخې وبلله.
مهرباني وکړئ لا ډېر معلومات په رپوټ کې واورئ.
شریکول
