په کابل کې د درېو بهرنیانو له وژل کېدو وروسته امنیتي چارواکي وايي، دغه قضیه سیاسي اړخ لري. د کابل امنیه قومندان داود امین وايي،په افغانستان کې د هند فعال دښمن نه غواړي چې هندیان په افغانستان کې فعالیت وکړي. دغه وژل شوي بهرنیان د هند، مالیزیا او مقدونیا هېوادونو اتباع دي چې د سوډیکسو (Sodexo) په نوم د خوړو له یوې نړیوالې کمپنۍ سره کار کاوه. یوشمیر افغان کارپوهان بیا وايي، د کابل او هند نږدې اړیکې د دې سبب شوي چې یو شمېر ګاونډي هېوادونه د داوړو هېوادونو د اړیکو د خرابولو لپاره خپل شوم پلانونه عملي کړي. پدې اړه لا ډېر د ناجیې ساپۍ په راپور کې واورئ.
شریکول
