آسټرالیا شپږ ایالتونه چې د نیو ساوت وېلز ، ویکټوریا ، تزمانیا، کوینزلنډ ، سویلي آسټرلیا او لویدیځې استرالیا په نومونو یادېږي. د آسټرالیا شمالي سیمه او مرکزي سیمه خپل حکومتونه لري. د آسټرالیا پلازمینه کانبرا د دغه هېواد په مرکزي سیمې کې موقعیت لري.
د آسټرالیا ایالتونه او سیمې د ټولنیزو مسائلو په برخه کې لوی مسئولیتونه او صلاحیتونه لري. په شمول ددې چې له قضايي واک څخه په استفادې عدالت تامین شي.
د آسټرالیا هر ایالت او سیمه د قوانینو د تطبیق او د حقوقي مسائلو د حل لپاره خپل قوانین، پولیس، زندانونه او توقیف ځایونه لري.
د آسټرالیا د روغتیا او هوساینې انستیتوت لخوا خپرې شوې شمېرې ښيي چې په آسټرالیا کې د زندانیانو لپاره ۱۱۵ اصلاحي مرکزونه شتون لري. د ځینو نورو منابعو لخوا خپاره شوي معلومات ښيي چې په آسټرالیا کې د ټولو زندانونه، توقیف ځایونونو، د ځوانانو د اصلاح مرکزونو شمېر له ۱۸۰ څخه زیات دی.
د آسټرالیا ټول زندانونه د دغه هېواد د ایالتي او سیمه ایزو حکومتونو لخوا اداره کیږي، ځکه په دغه هېواد کې د فدرالي زندان سیسټم یا هم د فدرالي دولت لخوا جوړ شوي زندانونه شتون لري.
ځینې اسناد ښيي چې په آسټرالیا کې ۱۸ سلنه زندانونه شخصي زندانونه دي چې مدیریت یې د دولت په لاس کې ندی او شخصي کمپنۍ یې پرمخ وړي.
د شخصي زندانونو شتون په امریکا او ځینې نورو هېوادونو کې اوږ تاریخ لري، مګر په آسټرالیا کې شاوخوا ۳۲ کاله وړاندې په ۱۹۹۰ م کال کې لومړنی شخصي زندان په کوینزلنډ ایالت کې پرانستل شوی او چارې یې د یوه امریکايي شرکت لخوا پرمخ وړل کېږي.
يادې موضوع په اړه لا دير معلومات تيار شوي رپوت کې واورئ.
