د پښتون ژغورنې غورځنګ د قبايلو خيبر سيمه کې خپل لومړنۍ غونډه جوړه کړه.
د پښتو ژغورنې غورځنګ خيبر سيمه کې په داسې حال کې ستره غونډه جوړه کړه چې يوازې څو ورځې وړاندې د ياد ګوند مخکښ غړی علي وزير په کراچۍ کې د پوليسو لخوا ونيول شو.
علي وزير چې د پاکستان ملي پارلمان غړی هم دی په داسې حال کې نيول کيږي چې د پښتون ژغورنې غورځنګ پر مشرتابه غړو حکومتي فشارونه يو ځل بيا ډير شوي.
خيبر سيمه کې د جلسې جوړيدو له خبر اوريدو سره د پاکستان امنيتي ادارو د يادې جلسې ځای ته ټولې تلونکې لارې وتړلې او د غونډې ګډونوال اړ شول چې په پښو يادې سيمې ته ځان ورسوي.
جوړې شوې غونډې ته د پښتون ژغورنې غورځنګ مخکښو غړو ويناوې وکړې.
زمونږ همکار اسلام ګل افريدی يادې غونډې ته تللې او د ګډونوالو ويناوې يې راخيستې چې تاسې دا ټول پدې تيار شوي رپوټ کې اوريدلی شئ.
شریکول
