د ياد لوبغالي پرانيست غونډه کې ميلمه راشد خان ارمان مخکې له دې چې د اسټرالیا په تجارتي لیګ کې خپله لومړۍ لوبه وکړي د پښتون کريکټ اکاډمی نوی لوبغالی يې پرانيست.
يادې غونډې ته په وينا کې راشد خان وويل چې د افغان ځوانانو راټوليدل او داسې لاسته راوړنه ستايي او نيکې هيلې يې د پښتون کريکټ له اکاډمی سره مل دي.
د پښتون ټولنې مشر عزير صافي هم خپله وينا کې د يووالي خبرې وکړې او د خپل ټولنې او کريکټ کلب پر لاسته راوړنو يې رڼا واچوله.
اسټراليا اډيليډ کې ميشت د افغانانو د ټولنې يو بل فعال ښاغلي عارف رحيمې هم خبرې وکړې او راشد خان ته يې ډاډ ورکړ چې اسټراليا کې د ټولو افغانانو ملاتړ له راشد خان سره دی.
د غونډې بشپړ رپوټ دلته اوريدلی شئ.
