د افغانستان د عامې روغتیا وزارت د روغتیایي خدماتونو د وړاندې کولو مرستیال فدا محمد پیکان وايي په افغانستان کې د تیرو کلونو په پرتله د زیږون پرمهال د میندو د مړینې اندازه څه ناڅه کمه شوې ده خو لاهم پدې برخه کې ځيني ننګونې پاتې دي.
تردې وړاندې د یوې سروې پایلو ښودلې وه چې د زېږون پر مهال د مېندو د مړینې په کچه کې زیاتوالی راغلی او په هر یو لک امیدوارو مېندو کې ۱۲۰۰تنې يې مري.
د روغتیايي مرکزونو کمښت او ورته د خلکو نه لاسرسی، په لرو پرتو سیمو کې د قابله ګانو نه موجودیت، ناامنۍ، د سړکونو خرابوالی، ترانسپورټي ستونزې او کورنۍ پرېکړې د زېږون پرمهال د مېندو د مړینې مهم لاملونه یادېږي.
پدې اړه تفصیل د ناجیې ساپۍ په ریپوټ کې اورئ.
