مهم خبرونه
- لومړي وزیر انتوني البنيزي د هند د بهرنیو چارو له وزیر سوبرامانیم جیشنکر سره په سیډني وکتل، دواړو د هیوادونو د ستراتیژیک شراکت او کرکټ په اړه خبرې وکړې.
- د ترکې وژونکې زلزلې دوه اونۍ وروسته لا هم ډیرې ژغورونکي شوي دي. د ژغورنې ډلو درې ژوندي پاتې شوي کسان د یو شمیر ويجاړو ودانیو لاندې څخه را ایستلي دي، د مړو شمېر له ۴۵ زرو څخه اوښتی او تمه ده چې دا شمېر نور هم زیات شي.
- د لویدیځ اسټرالیا اوسیدونکي د دې اونۍ په پای کې د تودوخې سختې څپې سره مخ دي، د دې ایالت په شمالي برخو کې د تودوخې درجه تر 48 درجو پورې لوړيدو اټکل شوې.
- د نیو ساوت ویلز لومړي وزیر ډومینیک پیروټیټ د ساحل خوندیتوب او سرف لايف سيوينګ ادارې ته د ۲۳ ملیونو ډالرو پانګوونې اعلان کوي.
- بلغاریا کې په یوه موټر کې د ۱۸ کډوالو چې پکې ماشومان هم شامل دي مړي موندل شوي، پوليس وایي دوی افغانان دي.
- په نیوزیلینډ کې چارواکي د هغو کسانو په لټه کې دي چې لاهم د ګابریل طوفان وروسته لادرکه دي.
- په زرګونو مینه والو د ۲۰۲۳ نړیوال ویاړ يا world pride هغو مراسمو او جشنونو کې برخه اخیستې چې د نیو ساوت ویلز په پلازمینه سیډني کې پیل شوې.
