مهم ټکي
- پيښور په يو جومات کې ځانمګري بريد نږدې ۶۱ کسان وژلي او له ۱۰۰ ډير ټپيان کړي.له بريد وروسته د پاکستان لومړي وزیر شهباز شریف پېښور کې د ګڼې ګوڼې په یوه جومات کې د یوه ځانمرګي برید پيښې له ټپيانو سره وکتل.
- د پاکستان په شمال لوېديځ کې د کښتۍ په پېښه کې لږ تر لږه لس ماشومان وژل شوي، په همدې ورځ په جنوب کې د بس د ټکر له امله تر ۴۰ ډېر کسان وژل شوي دي.
- فرانسه او آسټرالیا خپل پام پاسيفيک هيوادونه ته اړوي او له يادو هيوادونو سره د دفاع او اقلیم بدلون په څیر مسلو باندې له نږدې کار وکړي.
- فدرالي حکومت اعلان کړی چې د کورني تاوتریخوالي قربانیان به د فبرورۍ له لومړۍ نیټې څخه د لسو ورځو معاش رخصتۍ مستحق وي. لومړي وزیر انتوني البانیز دا اعلان وکړ.
- د روغتیا نړیوال سازمان پریکړه کړې چې کوويډ-۱۹ د عامه روغتیا بیړني حالت په توګه لیست کولو ته دوام ورکړي.
- بونزا په نوم، د آسټرالیا ترټولو ارزانه هوایی شرکت به نن د لومړي ځل لپاره الوتنه وکړي، ياد هوايي شرکت د ټیټ لګښت الوتنې ژمنه کوي.
- د کرویشیا ولسمشر زوران میلانوویچ پر لویدیځو هیوادونو نیوکه وکړه چې اوکراین ته یې د روسي ځواکونو د یرغل پر وړاندې ټانکونه او نورې وسلې ورکړي دي.
