د دې امر پر اساس طالب چارواکو ته سپارښتنه شوې چې په ټولو دولتي بنسټونو او بهرنیو سفارتونو کې سپین بیرغ وځړوي.
همدارز د وسله والو طالبانو د رهبر په یوه بل امر کې د افغانستان د ملي ټلویزیون د ټولنیزو رسنیو له لوګو ګانو څخه هم د ملي بیرغ د رنګونو د پاکولو امر کړی.
د ملاهبت الله د دې اوامرو سره مهاله د طالبانو په کنټرول کې د افغانستان د ملي راډیو ټلویزیون د ټولنیزو رسنیو لوګوګانې، چې د افغانستان د درې رنګه تور، سور، او زرغون ملي بیرغ رنګونه پکې وو، بدل شوو.
سلګونو افغانانو د وسله والو طالبانو دغه ګام ته غبرګون ښودلی او پر هغه يې نیوکه کړې.
یو شمېر هغوی يې د وسله والو طالبانو دغه دریځ غیر مسوولانه او د افغان ولس د خوښې خلاف عمل بللی.
دوی له اس بی اس راډیو سره په خبرو کې وویل، چې د افغانستان ملي بیرغ په حقیقت کې کومې ډلې، سمت او یا هم کوم ګوند پورې محدود ندي، بلکي د ټولو افغانانو تاریخي میراث دی او په ټولو يې پالنه او ساتنه لازمې ده.
نورو معلوماتو لپاره بشپړ رپوټ واورئ.
