د راونې اوونۍ د یکشنبې په ورځ په کابل کې د طالبانو حکومت په کورنیو چارو وزارت کې د یوې خبرې ناستې په ترڅ کې د دې ډلې د مشر ملا هبت الله اخندزاده هغه فرمان له رسنیو سره شریک شوو، چې په کې راغلي ول د کوکنارو کرکېله په ټول افغانستان کې په مطلق ډول منع ده او هېڅوک دې له دې وروسته په خپلو ځمکو کې ددغه ناوړه بوټې د کرلو هڅه نه کوي.
د طالبانو د مشر په یاد فرمان کې نه یوازې د کوکنارو کر، بلکې افغانستان کې د ټولو نشه يې موادو په کارو بار بندیز لګیدلی دی.
د وسله والو طالبانو حکومت ویاند ذبیح الله مجاهد په دې تړاو جوړ شوې ناسته کې له رسنیو سره په خبرو کې د خپل مشر له قوله وویل، که چیري هر څوک له دغه فرمان څخه سرغړونه وکړي د کوکنار کښت يې له منځه وړل کیږي او له سرغړونکو سره به يې د اسلامي شریعت له مخې چلند وشي.
د طالبانو دې ګام پر وړاندې افغانانو غبرګونونه مو تاسو ته راخيستي چې ټول په غږيز رپوټ کې اوريدلی شئ.
