مهم خبرونه
- د افغانستان د بیارغونې لپاره د امریکا ځانګړې سرپلټونکي ادارې یا سیکار تېره اوونۍ په خپل تازه راپور کې وویل، چې د طالبانو حکومت له نړیوالو مرستو عاید ترلاسه کوي.
- د سعودي عربستان دیپلوماتانو تېره اوونۍ د امنیتي ګواښونه له امله کابل پریښود او د پاکستان په پلازمینه اسلام اباد کې میشت شوي دي.
- د افغانستان په اړه د منځنۍ اسیا د ملي امنیت شورا د سلاکارانو پنځمه غونډه تېره اوونۍ د طالبانو له استازو پرته ترسره شوه.
- د طالبانو حکومت تېره اوونۍ له افغانستان څخه بهر ته د ډالرو او سرو زرو په قاچاق بندیز ولګاوه.
- د طالبانو د بهرنیو چارو وزارت تېره اوونۍ وویل چې د ترکیې په زلزله کې له سلو زیاتو افغانانو ته مرګ ژوبله اوښتې.
