آیا تاسو نوي آسټرالیا ته راغلي یاست یا هم غواړئ ترڅو د دغه هېواد په اړه مهم معلومات ترلاسه کړئ؟ د آسټرالیا پېژندنې لړۍ معلوماتي راپورونه له تاسو سره مرسته کوي ترڅو د دغه هېواد په اړه لا ډېر معلومات ترلاسه کړئ.
د نن ورځې په دغه معلوماتي رپوټ کې مو د آسټرالیا د ځانګړو حیواناتو اړه معلومات را غونډ کوي دي.
آسټرالیا د نړۍ شپږم لوی هېواد دی، په دغه هېواد کې د حیواناتو بېلابېل ډولونه ژوند کوي. د آسټرالیا له ۸۰ سلنه څخه زیات بوټي او حیوانات یواځې آسټرالیا سره تړاو لري او د نړۍ په نورو هېوادونو کې نه موندل کېږي.
آسټرالیا د خپلو ځانګړو حیواناتو لپاره په نړۍ کې پېژندل کېږي او دغه خبره د دې لامل هم ګرځي ترڅو سیلانیان آسټرالیا ته د راتګ لپاره وهڅول شي.
