د کډوالو نړيواله ورځ د جون مياشت په شلمه نيټه په ټوله نړۍ کې لمانځل کيږي.
نړۍ کې دا مهال له ۶۰ ميليونو ډير کډوال شتون لري او دا د ملګرو ملتونو تاريخ کې تر ټولو ډير لوړ رقم دی.
اسټراليا ته هم د زرګونو په شمير کډوال راغلي کوم چې اسټراليا ته راتګ وخت کې يې ډيرې سختۍ پر ځان اخيستي او د سر په قيمت سفر يې ترسره کړی.
حنيف يو افغان کډوال دی کوم چې اسټراليا ته بيړۍ له لارې راغلی. د ښاغلي سفر کيسه ډيره دردوونکې ده ځکه چې له اندونيزيا څخه اسټراليا ته په لاره دده بيړۍ ډوبه شوه شاوخؤا سل پناه غوښتونکي اوبو کې ډوب شول او ژوند يې لاسه ورکړ ولې حنيف شاوخوا ۱۶ ساعته اوبو کې پاتې کيدو وروسته وژغورل شو.
حنيف خپل د ژوند کيسه له اس بي اس پښتو خپرونې سره څه موده وړاندې شريکه کړې د ښاغلي بشپړه مرکه دلته اوريدلی شئ.
