استرالیا یو ښکلی هېواد دی. دغه هيواد د سیل په زرهاوو ښکلي ځایونه لري چې هر کال په میلیونو کسان له دغو ښکلو سیمو څخه لیدنه ترسره کوي.
د سیدني اوپراهاوس او هاربر برج د استرالیا د نورو سیمو په پرتله زیات مینه وال لري او په نړیواله کچه یې خلک د استرالیا د سمبول په توګه پېژني.
د دغو دواړو د ګډ انځور په لیدلو سره د نړۍ په زیات شمير سیمو کې خلک پدې پوهيږي چې دغه دواړه چيرته موقیعت لري.
د استرالیا د احصایې ادارې امار ښایي چې هر کال شاوخوا ۱۰میلیونه سیلانیان د نړۍ له بيلابيلو هيوادونو څخه د سيدني ښار ته سفر ترسره کوي ترڅو د دغه ښار له ښکلو سیمو څخه لیدنه وکړي.
د مالوماتو پر اساس هرکال له ۸ میلیونه څخه زیات سلانیاند اوپرا هاوس ښکلې ودانۍ ته ورځي.
د استرالیا لرغونو ،ښکلو او پېژندل شویو سیمو ته د سیلانیانو ورتګ د دغه هېواد اقتصاد ته هم ګټه رسوي.
د سیدني د هاربر پل او اوپرا هاوس په اړه لاډېر مالومات په راپور کې واورئ.
