د افغانستان په ملي موزیم کې د اسلام او له هغې څخه وړاندې دورو اثار نندارې ته اېښودل شوي دي.
د طالبانو د تیر حاکمیت په پرتله دا ځل ډېر بدلونونه راغلي دي، تېر ځل طالبانو د موزیم ډېر آثار ویجاړ کړي وو خو دا ځل داسي څه نه دي پیښ شوي.
ظاهراً د طالبانو د حکومت دغه اقدام د دوی د مخکنۍ واکمني په پرتله سیاست کې د یو ښکاره بدلون راتلو ښکارندويي کوي.
نن ورځ هم د کابل په ملي موزیم کې نندارې ته ايښي ځينې آثار، اساسا د طالبانو د رادیګالې ايډيالوژي سره په ټکر کې دي، لکه د لوښو هغه مجموعې چې ورباندې د انسانانو او حیواناتو انځورونه ښکل شوي دي.
خو طالبانو اوس د کابل پر ملي موزیم باندې خپل ساتونګي ګومارلي تر څو يې د نورو ډلو له برید څخه حفاظت کړي.
رحيم الدين اوريا خيل له ميوزيم چارواکو او هم ليدونکو سره خبرې کړي چې په اړه يې بشپړ رپوټ دلته اوريدلی شئ.
