پاکستان کې د پيغمبر سپکاوي باندې تورنې اسيه بي بي مسلې پراخ غبرګونونه راوپارول او د حکومت او مذهبي ډلو ترمينځ يو بل ته سخت الفاظ او خبردارۍ ورکړل شو.
ولې له څوو ورځيو ويجاړوونکو مظاهرو پای کې پاکستاني حکومت د مذهبي ډلو غوښتنو ته مثبت ځواب ووايه او هم د پاکستان سترې محکمې هغه پريکړه يې رد کړه د کوم له مخه چې مسيحي ميرمنې اسيه بي بي خوشې کولو امر شوی وه.
د پښتون ژغورنې غورځنګ مخکښ غړي او وياند ډاکټر سيد عالم محسود سره اس بي اس پښتو خپرونې ځانګړې مرکه کړې او د ياد غورځنګ وروستيو مهمو ناستو ترڅنګ شته ستونزو او د ياد تحريک راتلونکو پلانونو باندې خبرې شوي.
د پښتون ژغورنې غورځنګ لاسته راوړنو په تړاو ښاغلي ډاکټر سيد عالم محسود وويل چې د پي ټي ايم رامينځته کيدو وروسته پښتنو غږ پيدا کړی او خپل د ورکو شوو کسانو غوښتنه کولی شي.
ښاغلي دا هم وويل چې اوس پښتانه د پاکستان له هر ګوډ څخه يو چتر لاندې راټول شوي او د پي ټي ايم هلو ځلو څخه بې شميره بې ګناه پښتانه له زندانو څخه خوشې وي.
د پښتون ژغورنې غورځنګ وايي چې لکه پښتنو ورته د نړۍ ډيرو هيوادو کې د خلکو همداسې حال وه او يوازې د حقيقت موندنې او مصالحت کميسيون د هغو ستونزې حل کړې او مونږ هم د يو همداسې کميسيون جوړيدل غواړو.
ډاکټر سيد عالم محسود وايي چې اوس پښتانه پدې پوه شوي چې پاکستاني رسنۍ ددوی ندي او نه هم ددوی مسلې خپروي.
له اس بي اس پښتو خپرونې سره د ښاغلي سيد عالم محسود ځانګړې بشپړه مرکه دلته اوريدلی شئ.
